Uşaqlar və zəhərli maddələr

Ev şəraitində çox yayılmış və təhlükəli zəhərli maddələr

Biz evimizi təhlükəsiz və rahat bir yer hesab edirik. Lakin evlərimizdə kiçik uşaqlar üçün bir çox təhlükələr vardır. İstər iti və ya tikanlı səthlər olsun, istərsə də zərərli maddələr. Hətta təhlükə zahirən uzaq və təhlükəsiz bir yerdə olsa da, hər şeylə maraqlanan uşağın dərman qutusundakı dərmanlara və ya məişətdə təmizlik üçün istifadə edilən kimyəvi vasitələrə, məsələn sabun və yuyucu vasitələrə giriş imkanı tapması ehtimalı hər zaman vardır.

Xoşbəxtlikdən, köpüklənən yuyucu vasitələrin səbəb olduğu zəhərlənmələrə nadir hallarda rast gəlinir. Lakin bu baş verdikdə, valideynlər cəld reaksiya verməlidirlər. Yuyucu maddələrin udulması zəhərli maddələrin sorulmasını artıra və qusma köpüklənməni gücləndirə bilər. Bu halda uşaqlar köpüklə nəfəs ala və boğula bilərlər. Siz antidotun – Espumisan kimi köpük söndürücü məhlulun köməyi ilə bunun baş verməsinin qarşısını ala bilərsiniz.

Uşaqlarımı zəhərlənmədən necə qoruya bilərəm?

Bir neçə ehtiyat tədbiri vardır ki, onları istifadə etmək olar və lazımdır: Uşaqların olduğu hər bir ailədə dərman qutusunun ağzı qıfılla bağlanmalıdır. Digər bir tövsiyə daha təhlükəli təmizləyici vasitələri əlüzyuyanın altından götürüb daha yüksək bir dolaba qoymaqdır.

Bu, həm evdə, həm də qaraj və ya bağ anbarları kimi xarici obyektlərdə saxlanılan vasitələrə aiddir. Bir çox maddələri içki şüşələrində saxlamaq rahat olsa da, bəzi insanlar boya həlledicilərini, ağardıcı vasitələri və digər maddələri içki şüşələrində saxlamağı xoşlayırlar. Bu cür maddələri hər zaman öz orijinal qablaşmalarında saxlayın, çünki hər şeylə maraqlanan uşaq onları səhvən alkoqolsuz içki əvəzinə qəbul edə bilər. Bu cür məhsulları atarkən onların evdə asan əlçatan zibil vedrələrində və ya zibil qutularında olmamasına əmin olun. Həmçinin zəhərli bitkilərdən uzaq durun və onları uşaqların əllərinin çatmadığı yerlərdə saxlayın.

Uşaqlarda zəhərlənmə zamanı ilk yardım

Əgər bədbəxt hadisə baş vermiş və uşağınız nəyisə udmuşdursa, dərhal yardım almaq üçün həkimə və ya təcili yardım xəttinə zəng edin.

Baş vermiş pozuntunun əlamətlərini tanımağı öyrənin. Aşağıdakı əlamətləri izləyin. Əgər uşağınızda aşağıdakı əlamətlər varsa, həkimə və ya yardım xəttinə zəng edin:

Danışmaqda və ya tənəffüsdə çətinlik

Huşsuz vəziyyət

Qusma

Ağızda yanma hissi

Qarın ağrısı

Dəridə kimyəvi yanıqlar

Əgər zəhərli maddə tez təsir göstərən maddəyə malikdirsə, dərhal ilk yardım göstərmək tələb oluna bilər. Buna görə də ikilikdə işləmək məqsədəuyğun olardı: bir nəfər zəhərlənmə zamanı yardım xəttinə zəng edir, o biri isə müvafiq yardım tədbirlərini həyata keçirir.

Espumisan® daha az təhlükəli maddələrin təsirinə qarşı

Aydındır ki, əgər uşaq təhlükəli maddəni udubsa, tibbi yardım üçün həkimə və ya zəhərlənmə zamanı yardım üzrə qaynar xəttə müraciət etmək lazımdır.

Lakin bəzən uşaqlar yuyucu vasitənin və ya yuyucu mayenin kiçik miqdarının udulmasına qarşı yüngül reaksiya verirlər. Uşaqda ürəkbulanma baş verə və sabun qovuqcuqları meydana çıxa bilər. Elmi olaraq sübut edilmişdir ki, köp və meteorizmin müalicəsi üçün istifadə edilən Espumisan preparatının təsiredici maddəsi olan Simetikon iki yolla təsir edir. Espumisan və onun aktiv tərkib hissəsi olan Simetikon mayenin boşaldılmasına kömək edir, eyni zamanda köpük əleyhinə vasitənin tərkibindəki hissəciklər sabunlu qovuqcuqların səthini parçalayır, uşağın mədəsini rahatlaşdırır və daha tez sağalmağa kömək edir.